Delight in Disorder

ಬ್ರಹ್ಮಾಂಡ ವಿಸ್ತಾರದ ಕ್ಷೇತ್ರ

ಪಿಂಡಾಂಡದಲ್ಲಿಹುದು ಅದರ

ಅಂಡಾಣು, ಪ್ರೊಟಾನು ನ್ಯೂಟ್ರಾನು

ಎಲೆಕ್ಟ್ರಾನು ಸುತ್ತಿಸುಳಿವ

ಸಂಬಂಧ ಶಕ್ತಿಮೈತ್ರಿ

ನಾನೋ ಅದರೊಳಗಿನ  ಅಣುರೇಣು

ಹತ್ತಿಯ ಹಗುರಿನವನು

ಹಾರಾಡುತ್ತೇನೆ ಬೇಕಾಬಿಟ್ಟಿ

ನಿಯಮಗಳ ತೂರಿ

ಗಾಳಿಗೋಪುರ ಕಟ್ಟಿ

ಮರಳಲ್ಲಿ ಮನೆಕಟ್ಟಿ

ಮರುಳಾಗಿ ಸುಖಿಸುತಿಹೆ

ಅಲೆಮಾರಿಯಂತೆ

ಸತ್ಯ-ಅಸತ್ಯ ಎಲ್ಲವೂ ಒಂದೇ

ಶಿವ-ಸುಂದರ ನನಗೆಂದೂ

ವಂದೇ

ವಿಲಕ್ಷಣದಲ್ಲಿ ಲಕ್ಷಣವ ಹುಡುಕುತ್ತ

ತಿರುಮುರುವಾಗುತ್ತ ಆನಂದ

ಪಡೆವುದೇ ಸಚ್ಚಿದಾನಂದ

ಎಂದರೂ ಬ್ರಹ್ಞಾಂಡ ವಿಸ್ತಾರದ ಕ್ಷೇತ್ರ! 
                                        
                                         -      ವಸಂತ, 10-ಸಪ್ಟೆಂಬರ್ 2012